- Madagascar Television - https://matv.mg -

Anosibe : Tra-tehaky ny polisy ireo mpanendaka amin’ny antsibe

Isan’ireo toerana izay anjakan’ny fanendahana sy ny fandrobana samihafa ny etsy Anosibe-Tsena sy ny manodidina. Mitohy ny hetsika izay ataon’ny Polisy ka ahazoan’izy ireo vokatra hatrany.
Farany teo, dia tra-tehaky ny Polisin’ny boriboritany faha-5 ny telolahy izay mitondra antsibe entiny manendaka. Voalazan’ny avy eo anivon’ny Polisim-pirenena fa maro no efa noratrain’izy ireo teny amin’iny toerana iny. Tamin’ity indray mitoraka ity anefa dia sendran’ny nahay azy ireto mpanao ratsy ireto.
Tsara ny manamarika fa fiaraha-miasa amin’ireo mpiambina ny tsena no nahazoana ireto mpanendaka mampikaikaika ny mponina eny Anosibe ireto, ary efa maro ny fitarainana azon’ny Polisy mikasika azy ireo.

TR.


Article printed from Madagascar Television: https://matv.mg

URL to article: https://matv.mg/anosibe-tra-tehaky-ny-polisy-ireo-mpanendaka-aminny-antsibe/

Copyright © 2014 . All rights reserved.