- Madagascar Television - https://matv.mg -
Antaninarenina : raikitra ny fanendahana…
Manao ny ataony ny mpanendaka mandritra ny fotoana mangingina fihibohana, ka mahavitsy ny olona mpandalo amin’ny tolakandro sy ny takariva iny. Olona maromaro no efa velon-taraina, lasibatr’izany, etsy Antaninarenina indrindra indrindra. Tamin’ny alahadin’ny Paska teo dia raim-pianakaviana iray no nosakanan’ireo olona mpirenireny tsy manan-kialofana ary mangataka eny an’arabe. Nikasa hanendaka avy hatrany izy ireo. Tamin’io fotoana io anefa no sendra nandalo teny an-toerana ny mpitandro filaminana avy amin’ny Polisim-pirenena ka rava teo ilay fikasan-dratsy.
Manao antso avo, noho izany, ireo mponina sy mpandalo mampiasa iny lalana eny Antaninarenina iny mba hijerena akaiky izao tranga izao.
TR.
Article printed from Madagascar Television: https://matv.mg
URL to article: https://matv.mg/antaninarenina-raikitra-ny-fanendahana/
Cliquer ici pour imprimer.
Copyright © 2014 . All rights reserved.