Association des ressortissants camerounais : nanatitra fanampiana teny amin’ny CUA

Nitondra ny anjara birikiny ho fanohanana an’i Madagasikara amin’ny ady atao amin’ny Coronavirus ny  fikambanan’ireo teratany camerounais miasa sy monina eto Madagasikara. Vary sy menaka  ary savony no nateriny tetsy amin’ny Kaominina Antananarivo Renivohitra. Vary milanja 550 kg, menaka 9 baoritra, savony 15 baoritra, nouilles 10 baoritra no natolotry ny fikambanan’ireo teratany Camerounais miasa sy monina eto Madagasikara ireo. Tafiditra indrindra amin’izao ady amin’ny Coronavirus izao ho fanohanana ny Malagasy marefo ara-pivelomana eto amin’ny tanànan’Antananarivo izao hetsika izao. Araka ny fanazavana nentin’Atoa Paul Roger, filohan’ity fikambanana ity, dia mahatsiaro ho manana adidy amin’izao ady atrehan’i Madagasikara izao izy ireo, noho izy ireo monina eto amin’ny Nosintsika. “Tsapanay, hoy izy, fa maro ny Malagasy no mbola marefo ara-pivelomana, koa izay indrindra no anton’izao fanohanana izao”.

Miisa 300 eo ankehitriny ny teratany camerounais mianatra sy miasa, monina eto Madagasikara.

NONO .R

Imprimer Imprimer

Ce contenu a été publié dans Ma-LAZA. Vous pouvez le mettre en favoris avec ce permalien.

Les commentaires sont fermés.