Nahitana trangana tsy fandriam-pahalemana ny teny Vontovorona ny maraina teo. Tokantrano iray no voatafika tao anatin’ny fokontany Antanety faha-2.
Mandry tsy lavo loha ny mponina eny Vontovorona kaominina Alakamisy Fenoarivo amin’izao fotoana izao. Tokantrano iray ao amin’ny fokontany Antanety faha-II no voatafika vao mangiran-dratsy omaly. Jiolahy nirongo basy sy fitaovana maranitra no niditra an-keriny tao an-trano. Nopoizinin’izy ireo ny alika tao amin’ilay tanàna. Nopoiriny ny varavarankely, ary rehefa tafiditra tao an-trano izy ireo dia nofatorany ny raim-pianakaviana. Noraofin’ireo jiolahy ny fitaovana elektronika rehetra tao amin’ilay tokantrano (fahilavitra, lecteurs, fanamafisam-peo, telefonina…) sy ny firavaka samihafa.
Raha ny fanazavana voaray dia sambany no nisy fanafihana mitam-basy toy izao tao amin’ny fokontany Antanety faharoa, Vontovorona. Miantso indrindra ny tompon’andraikitra mba hijery akaiky ny tsy fandriam-pahalemana ny mponina.
Vola R
Imprimer