Savony , gel désinfectant 500 tavoahangy, Solution hydroalcoolique 60 tavoahangy, Eau de Javel 48 tavoahangy , rano Sainto 1000 litatra miampy fontaines d’eau no natolotry ny Vondrona Gamo Mado ho an’ny CCO Covid-19 Ivato sy ny ministeran’ny Rano ho fanohanana ny ezaky ny Fanjakana amin’izao ady amin’ny Coronavirus izao. Made Razafintsalama, Filoha Tale Jeneralin’ny Vondrona Gamo Mado mihitsy no tonga teny an-toerana nanolotra ireo fitaovana ireo. Nandray izany tetsy amin’ny CCO Ivato kosa ny minisitry ny Atitany sy ny Fitsinjaram-pahefana Tianarivelo Razafimahefa izay nankasitraka hatrany ny fanohanan’ireo tsara sitrapo amin’izao ady goavana atrehan’i Madagasikara izao. Araka ny fanazavana nomen’ny mpitantana ny Vondrona Gamo Mado moa dia ho an’ny CCO Covid-19 manokana ny antsasany amin’ireo fitaovana ireto, ary natao ho ampiasain’ny ministeran’ny Rano kosa ny antsasany.
NONO.R